Archive for July, 2017

Ramani Ya Maendeleo Ya Kaunti Ya Lamu Yazinduliwa

Serikali ya kaunti ya Lamu kupitia wizara ya Ardhi, Maji na Miundo msigi ikishirikiana na shirika la WWF imezindua rasmi ramani ya maendelo ya kaunti ya Lamu tarehe 12/7/2017 katika eneo la Mkunguni.
Kulingana na katiba ya Kenya ni lazma kwa kila kaunti kuwa na ramani ya maendeleao, nayo kaunti ya Lamu inayoongozwa na Gavana Issa Abdallah Timamy imeweza kuwa kaunti ya kwanza kutayarisha na kuzindua ramani hiyo.
Utayarishaji wa  ramani hii umechukua mda wa zaidi miaka miwili hadi kukamilika kwake na  imeigharimu serikali ya kaunti ya Lamu milioni thelathini(30Million).
Akiongea katika hafla hiyo, iliyohudhuriwa na Gavana wa Lamu na Naibu wake, maafisa wa National Land Commission, maafisa wa shirika la KWS na mawiziri tofauti kutoka serilaki ya kaunti ya Lamu, waziri wa Ardhi kaunti ya Lamu,Bi. Amina Rashid alisema kuwa ramani hiyo ni muhimu kwa kaunti ya Lamu kwani inatoa muongozo wa kutekeleza miradi na kuhifadhi rasili mali za kaunti hii.

Download Links for the Full Report:

VOLUME I_THE LAMU CSP MAY 2017_FINAL

VOLUME II_THE LAMU CSP MAY 2017_FINAL

VOLUME III_THE LAMU CSP MAY 2017_FINAL

VOLUME IV_GIS OUTPUT REPORT COMBINED

 

Lamu County Spatial Plan 2016-2026

The Lamu County Spatial Plan (2016-2026) addresses the aforesaid challenges in order to improve the standards of living of the people through employment creation, reduction of poverty, and creation of wealth as well guide sustainable development. The plan also provides comprehensive strategies and policy guidelines to solve the
problems of rural and urban development, industry, infrastructure and human settlement, ecotourism and sustainable environmental management. The implementation plan will be a major milestone towards securing biodiversity hot spots, sustainable management of natural resources and improvement of the quality of life and
well being of the residents of Lamu County.

Download Links for the Full Report:

VOLUME I_THE LAMU CSP MAY 2017_FINAL

VOLUME II_THE LAMU CSP MAY 2017_FINAL

VOLUME III_THE LAMU CSP MAY 2017_FINAL

VOLUME IV_GIS OUTPUT REPORT COMBINED

 

 

Vifaa Vya Uvuvi Vyatolewa Kwa Wavuvi Tchundwa

Wavuvi kutoka mjini Tchundwa eneo bunge la Lamu mashariki,hapo mano tarehe 7/08/2017 walinufaika na vifaa vya uvuvi kutoka kwa serekali ya kaunti ya Lamu.

Katika sherehe iliyoongozwa na mstahiki gavana Issa Timamy,wavuvi hao walipokea mashine za boti pamoja na mitungi yake,cooler box na mishipi ya kuvulia samaki.

Timamy amesema lengo lake ilikuwa ni kupeana machine za boti bila malipo lakini ndoto hiyo yake ili pingwa na baadhi ya wawakilishi wa kaunti.

Timamy ameongeza kusema kuwa kilichomsikitisha zaidi jambo hilo kwanza lilipingwa na aliyekuwa muwakilishi wa wadi ya Kiunga

Gavana Timamy amewaahidi wavuvi kuwa endapoatachaguliwa tena atahakikisha kuwa madeni hayo ya mashine za boti yatafutiliwa mbali.

Kizingitini Youth Polytechnic Yafunguliwa Upya

Gavana wa Lamu Issa Timamy amekifungua upya chuo cha kiufundi cha vijana huko Kizingitini baada ya kuachwa kwamda mrefu na utawala uliopita.

Chuo hiko kilicho katika eneo bunge la Lamu mashariki kilijengwa na serekali ya ujarumani na badaye kuchukuliwa na serekali  ya Kenya na hatimaye kufungwa kutokana na usimamizi mbaya na kuharibika kwa miundo msingi yake.

Mafunzo ya kiufundi kama vile useremala,ushonaji wa nguo na masomo ya tarakilishi yalikuwa yakifundishwa.

Baada ya kujakwa serekali ya kaunti chini ya mstahiki gavana Issa Timamy chuo hiki kimekarabatiwa na  kupata sura mpya.

Chuo hiko kilichosajiliwa na wizara ya elimu sasa kinasimamiwa na serekali ya kaunti ya Lamu na kupata jina la Kizingitini Vocational Training Center.

Tayari vifaa vimewekwa na waalimu na mafunzo yanatarajiwa kuanza mara moja.

Akizungumza baada ya kufungua upya chuo hicho, gavana Issa Timamy amewarai wazazi kutoka eneo hilo na sehemu nyingine jirani kuhakikisha kuwa wamewapeleka vijana kwa mafunzo hayo hasa wale ambao hawakuweza kuendelea kimasomo kwa kupata alama za chini.

Witu Youth Polytechnic Yaboreshwa Zaidi

Witu Youth Polytechnic imepata taswira mpya tangu mstahiki gavana Issa TImamy kushika usukani wa kuendesha kaunti ya Lamu.

Kufikia sasa chuo hicho kimesajili wanafunzi wa taaluma mbali mbali 120 kutoka maeneo ya tarafa ya Witu na viunga vyake kaunti ya Lamu.

Pia waalimu zaidi wameletwa na kuajiriwa na serekali ya kaunti ya Lamu.

Taaluma zinazotolewa nimapoja na useremala,ushonaji wa nguo, umeme ,ujenzi wa nyumba miongoni mwa taaluma nyingine.

Chuo hiki kimenufaisha vijana kutoka vijiji vya Pangani, Maisha masha,Jipendeni,Chalaluma,Kastakakairu,Lumshi,Moa na Boko.

Na hii leo gavana Issa Timamy amekabidhi vifaa kwa chuo hicho cha kiufundi cha vijana Witu kama vile:-Computer 7, Virehani 9 na mashini ya kuchapisha makaratasi.

Timamy amesema ataendelea kukiboresha zaidi chuo hicho ili vijana waweze kupata taaluma za kiufundi.

WAFUGAJI WA MOA WAPA JOSHO LA NGOMBE

Wafugaji Wa Moa Wapata Josho La Ng’ombe

Wafugaji wa Moa wapokea kwa furaha cattle dip iliyofunguliwa rasmi na gavana Issa Timamy hapo jana 04/07/2017.

Kulingana na daktari wa mifugo eneo la Lamu magharibi George Kiaga amesema zaidi  ya ng’ombe 6000 wanatarajiwa kufaidi na dip hiyo.

Mradi huu utasaidia mifugo kuwakinga na mbuno na kupe ambao wanatatiza sana mifugo katika sehemu hiyo.

Pia daktari Kiaga amesema kando na kuwaogesha ngombe hao, huwa wanawapatia chanjo za kuwakinga na ugonjwa wa nimonia kwa mifugo, ugonjwa ambao zaidi unawaathiri mifugo katika eneo hilo ambalo mara nyingi hupokea mifugo kutoka kaunti jirani za Garissa na Tana riva.

Wakati wa hafla hiyo gavana Issa Timamy alipeana dawa za mifugo kwa wafugaji na kuwahimiza wafugaji hao kuitumia vyema cattle dip hiyo.

Gavana aliiyomba jamii ya wafugaji kuishi kwa amani na utangamano.

Ujenzi Wa Sehemu Ya Kujifungua Kina Mama Hospitali Ya Mpeketoni

Gavana wa kaunti ya Lamu Issa Timamy mnamo tarehe 01/07/2017 ameweka jiwe la msingi ili kujenga sehemu ya kujifungua kinamama katika hospitali ndogo ya kaunti huko Mpeketoni.

Sehemu hiyo ya kujifungulia kina mama ya ghorofa, itakuwa na uwezo wa kupokea wazazi zaidi ya 30 na kugharimu takriban shilingi milioni 50 za Kenya.

Jengo hilo la kisasa pia litakuwa na chumba chake cha upasuwaji na pia sehemu ya kina mama kujifungua kwa njia ya kawaida.

Aidha gavana Timamy alikabidhi sehemu ya ardhi katika hospitali hiyo ya Mpeketoni kwa mwanakandarasi ili  kujingwa sehemu ya kufulia nguo za hospitali kabla ya kupanda mti kwenye ardhi ya hospitali hiyo.

Pia alitembelea shule ya upili ya wavulana ya Mpeketoni kukagua ujenzi unaoendelea wa maktaba ya kisasa shuleni humo.

Upimaji Wa Mji Wa Witu

Gavana wa Lamu Issa Timamy hapo jana 03072017 alizindua rasmi upimaji na upangaji wa mji wa Witu katika eneo la Kamkunji.

Shughuli hii inatarajiwa kukamilika kwa mda wa mwezi mmoja huku wakaazi 2500 wakitazamiwa kunufaika na upimaji huu.

Zoezi hili litajumuisha nyumba za zamani za mji wa Witu na zile za mji mpya.

Gavana Timamy ameitaka kamati iliyochaguliwa kusimamia zoezi hilo kuhakikisha kuwa usawa na haki umetendeka bila ya ubaguzi.

Aidha amewaonya wale walionyakua ardhi kuwa ardhi hizo zitagawiwa wenyeji na kusema kuwa si haki kwa mtu mmoja kuchukua sehemu kubwa ya ardhi huku wengine wakiwa hawana hata kipande.

Wakati huo huo gavana Timamy alitembelea eneo la Kitumbini na kuahidi kukarabati eneo la kuogeshea ngombe ambalo limeachwa kwa miaka mingi.